Entry: Halló allir Tuesday, July 04, 2006



Langt síðan ég hef látið í mér heyra og hef svo sem enga sérstaka afsökun fyrir því, bara bloggleti í gangi en nú verður bætt úr því:)

Helgina 23-25 júní héldum við Rósa keyrandi norður, komum við í Kb banka í Borgarnesi og heilsuðum upp á Eggert en annars var lítið um stopp. Hrafnkell kom þann dag keyrandi að austan til Akureyrar og hittumst við þar og vá hvað það var gaman að sjá hann aftur eftir tveggja vikna aðskilnað. Helgin leið samt allt of hratt og þá þurftum við víst að halda í sitt hvora áttina:( Við náðum samt að afreka það, þessa helgi að vesla okkur eitt stykki fartölvu sem Hrafnkell tók með á Klaustur til að vinna ritgerðina sína.
Síðustu helgi var ég að vinna en Hrafnkell fór til Dalvíkur og hitti fjölskylduna mína þar sem vinnuhelgi í nýja sumarbústaðnum okkar var plönuð. Þau náðu að gera alveg helling en nóg er samt eftir að gera.
Ég er samt búin að dunda ýmislegt annað en að vinna t.d komu Eydís, Birna og Sigrún til mín eitt þriðjudagskvöld og við spiluðum og spjölluðum alveg helling og rosa gaman að hitta þær:) Ég og Ingunn fórum í síðustu viku út að borða og í bíó og enduðum á kaffihúsi seinna um kvöldið með Rósu. Í dag fórum við Kristín Erla saman á diskó-pönk sýninguna á Árbæjarsafni og sáum að þar er að finna fullt af hugmyndum sem við eigum. Í gærkveldi kíktum við Ingunn og Ásta svo á Þrúði og sátum á spjalli fram eftir kvöldi og var mjög gaman að hitta þær allar:)
Hrafnkell er svo búinn að panta flug suður á fimmtudaginn og hlakka ég rosalega mikið til að fá hann heim, þótt þetta sé bara 3 daga stopp. Við erum bæði í fríi á föstudag, laugardag og sunnudag og eigum svo eftir að njóta þess. Hugmyndin er jafnvel að fara í útilegu á laugardagskvöldið en það kemur í ljós.
Annars eru stærstu fréttirnar þær að ég er búin að redda mér fríi á fiskidaginn og alla þá helgi. Mun vinna það upp í júlí og verð þar af leiðandi í viku fríi og ég hlakka svo til:) Hverjir vilja koma með mér á fiskidaginn? það er alveg ógeðslega gaman og allt frítt:)
Við Hrafnkell erum annars bæði í fríi um verslunarmannahelgina, hvað ætlar fólk að gera þá ?

   5 comments

Íris
July 13, 2006   04:51 AM PDT
 
Hæ Kristín

Ég fór svo með Hrafnkel á laugardaginn að sjá sýninguna aftur. Honum leist líka bara vel á þetta allt saman.

En já verðum endilega í bandi með verslunarmannahelgina.
Kristín Erla
July 12, 2006   06:00 AM PDT
 
Já við vorum greinilega með bestu hugmyndirnar þarna :)

Já við Trausti erum immit líka bæði í frí og langar að gera eitthvað skemmtilegt um verslunarmannahelgina .... en engar hugmyndir komnar .
Íris
July 8, 2006   12:10 PM PDT
 
Jóhanna
Fiskidagurinn er mesti hátíðisdagur ársins á Dalvík og þangað koma mörg þúsund manns og borða fisk í boði fiskivinnslufyrirtækja á Dalvík. Allt er ókeypis s.s tjaldstæði, grillaður fiskur, drykkir, nammi, skemmtiatriði, íspinnar, kaffi, brauð, fiskborgarar, blöðrur og margt fleira. Þetta er alveg ógeðslega skemmtilegur dagur og verður engin svikinn af því að mæta. Jóhanna þú verður samt stödd í Gotlandi þennan dag en ef þú villt kynna þér þetta betur þá er slóðin http://fiskidagur.muna.is/
þú verður samt að mæta á næsta ári;)
Jóhanna
July 7, 2006   03:50 PM PDT
 
Hvað er fiskidagur?
Hrafnkell
July 4, 2006   12:22 PM PDT
 
Þetta ætti að verða skemmtileg helgi, farinn að hlakka mikið til að koma:-)

Leave a Comment:

Name


Homepage (optional)


Comments